Dathlu 21ain Yn Llangollen

Ionawr 2001

I gychwyn ein blwyddyn o ddathlu penblwydd Dawnswyr Môn yn 21ain oed, ac i ddathlu’r un pryd yr hen galan Cymraeg, aeth criw o’r aelodau a’u teuluoedd am benwythnos i’r hostel ieuenctid yn Llangollen. Doedd dim dawnsio ar yr agenda, dim ond cymdeithasu, mwynhau a dathlu! Y bwriad o fynd i Llangollen oedd cael rhywle digon pell o adref i deimlo’n bod ar ein gwyliau, ond yn ddigon agos i’r aelodau deithio yno ar ôl gwaith nos Wener. Roedd yn arbrawf llwyddiannus!

Nos Wener – ar ôl i pawb gyrraedd a chael pryd o fwyd gwyliwyd tapiau fideo o’n teithiau tramor dros y 10 mlynedd ddiwethaf. Aeth un neu ddau o’r aelodau ati i ddangos pa mor amryddawn yda ni fel tîm. Dyma Guto’n dangos nad ydi o ofn uchder, a’i fod mor llwglyd ei fod yn gorfod bwyta gwê pry cop!

Roedd dydd Sadwrn yn ddiwrnod braf ond oer iawn. Cerddodd y mwyafrif i fyny i Castell Dinas Bran uwchben Llangollen, ac ar ôl cinio ail-grewyd y frwydr rhwng Madog ap Gruffudd Maelor a byddin Edward 1af.

Gyda’r nos aeth Mair ati i wneud cyflath – y traddodiad ar nos calan, a doedd dim prinder pobol i helpu tynnu’r taffi melyn i’w gael yn barod i’w fwyta. I gloi’r noson cawsom gemau amrywiol – sut i ddringo dros frwsh llawr, sut i godi bocs matches oddi ar y llawr heb gyffwrdd y llawr efo’r dwylo ayb – mae’n gwbl angenrheidiol bod yn hyblyg er mwyn bod yn aelod o dîm dawnsio!

Wrth droi am adra bore Sul roedd hi’n amlwg fod pawb wedi mwynhau

.